Космос аппараатын сороҕо оройуон сиригэр-уотугар түспүтэ улаханнык долгутарын дьон эттэ. Егор Афанасьевич хас биирдии ыйытыкка иҥэн-тоҥон хардарда. «Сила Сибири» газ турбатын тутуу чэрчитинэн нэһилиэннэлээх пууннары гаастааһын, ол туһунан «Газпром» уонна Саха сирин салалтата дуогабардаспыттарын тула кини элбэҕи эттэ.

Сир туһунан ыйытыгы дьон тыҥааһыннаахтык туруорда. Родовой общиналар сир учаастагын оҥорууларыгар кыһалҕалар үөскээбиттэриттэн, сир кадастровай сыаната муҥутуурдук үрдээбититтэн дьон долгуйарын биллэрдэ. Е.Борисов боппуруоһу тус бэйэтэ быһаарсыам диэн эрэннэрдэ. Көрсүһүү кэмигэр ДьУоКХ миниистиригэр Алексей Колодезниковка Синегорье бөһүөлэгэр тиийэн  кыстыкка бэлэмнэнии туһунан дьоҥҥо кэпсииригэр, билиһиннэрэригэр сорудахтаата.

Наадалаах түгэн тирээтэҕинэ, правительствоттан кимтэн ыйыталаһар, сүбэлэтэр туһунан испииһэк оҥорон оройуон хаһыатыгар бэчээттэниэҕэ диэн быһаары ылылынна. Спорт миниистирэ  Михаил Гуляев хоккей сабыылаах кортун, бассейны тутуу, уопсайынан, эбийиэктэр барыта тутуллуоххтарын туһунан кэпсээтэ.

Киэһэ Егор Борисов партия барыллаан куоластааһыныгар кытынна.