Лариса Иннокентьевна Габышеваҕа «Российскай Федерация искусствотын үтүөлээх деятелэ» диэн бочуоттаах аат иҥэрилиннэ.

Манна мустубут дьон чулуу айар дьоҕурдаахтарын, кинилэр ити талааннара дойду хас биирдии киһитигэр, уопсастыбаҕа, дойдуга бүтүннүүтүгэр ураты улахан суолталааҕын дириҥник өйдүүллэрин Россия Президенэ Владимир Путин бэлиэтээн эттэ.

Музыка үрдүкү оскуолатыгар сүүрбэ сыл аннараа өттүгэр уһуйааччылар Лариса Габышева уонна Станислав Афанасенко «Виртуозы Якутии» билигин албан аатырбыт, суон сураҕырбыт коллективы тэрийбиттэрэ. Коллектив аан дойду 16 араас дойдутугар ситиһиилээхтик кыттан кэллэ. 2005 сыллаахха республика президенин ыйааҕынан ансамбль государственнай анал туруктаммыта.

Лариса Иннокентьевнаны үрдүк наҕарааданан истиҥник эҕэрдэлиибит!