Армения Ванадзор куоратыгар от ыйын 19 күнүгэр саҕаламмыт күрэхтэһиитэ Саха сирин бөҕөстөрүгэр ситиһиини, табыллыыны тосхойдо. 57 кг. Виктор Рассадин, 61 кг. Егор Пономарев  чемпион үрдүк аатын ыллылар.

Армения тустууга федерацията тэрийбит турнирыгар 9 дойдуттан барыта 120 спортсмен көбүөргэ күөн көрүстэ.  Константин Хабалашвили (65 кг, Грузия),Фейман Ярахмадин (70 кг, Иран), Мухамед Махдабар (74 кг, Иран), Магомед Шахрудинов (86 кг, Россия), Элизбар Одикадзе (97 кг, Грузия) уонна Саедерес Мусавин (125 кг, Иран) эмиэ кыайыы көтөллөннүлэр.

Арменияҕа Иран посола Мухаммад Реиси, олимпийскай национальнай кэмитиэт президенэ Гагик Царукян, ыччат уонна спорт миниистирэ Габриел Газарян, парламент спикерэ Галуст Саакян, Армениятааҕы физическэй культура государственнай институтун ректора Ваграм Аракелян уонна депутаттар Ашот Агабабян, Базмасер Аракелян сырыттылар.

Уопсай хамаанданан түмүккэ Грузия (2-4-2) хамаандата бастакы,россиялар (3-1-3) - иккис, оттон иранецтар (3-1-1) үһүс миэстэлэри ыллылар.