"Кэбээйи Арыктааҕыттан биэс км сиргэ биир айылҕа баһаара бэлиэтэммитэ. Хардарыта дьасыылаах бииргэ үлэлээһин түмүгэр уот бөһүөлэк диэки тарҕаныыта тохтоото, онон, нэһилиэнньэлээх пууҥҥа куттал суох", - диэн СИА-ҕа эттилэр Россия ЫБММ Саха сиринээҕи тэрилтэтитин кылаабынай управлениетыттан.

Саха сиригэр бүгүҥҥү туругунан федеральнай резервэттэн 255 десантниктар-парашютистар, өрөспүүбүлүкэ биэс оройуонугар Амур, Москва уобаластарыттан, Хакасия, Бурятия өрөспүүбүлүкэлэриттэн кэлбит бөлөхтөр үлэлииллэр. Ону таһынан 125 киһилээх икки бөлөх Красноярскай уонна Хабаровскай кыраайдартан кэлиэҕэ.

Россия ЫБММ авиацията баһаары утары үлэлиир.