ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 июля 2014, 15:57

Тааттаҕа быйыл маннык оттуу сылдьаллар


Таатта улууһун Ытык Күөл бөһүөлэгин олохтоохторо Оросин Егор Егорович дьиэ кэргэнэ уонна аймахтара уопсайа түөрт уонча сүөһүлээхтэр. Онуоха 20-чэ оту туруордахтарына сыл таһаараллар.

Оттон быйыл Тааттаҕа оттуур сир-уот үксэ ууга турар буолан, дьон-сэргэ ууну кэһэн ходуһатыгар барар. Егор Егоровичтаах аймахтарын кытта күн аайы хотуурдарын, кыраабылларын сүгэн, сыралҕан куйааһы аахсыбакка, арыт тыаллаах, былыттаах күнтэн былдьасыһан биир өрөбүлэ, сынньалаҥа суох күн аайы курданалларыгар диэри ууну кэһэн оттуу бараллар. Бу хаартыскаҕа кинилэр бүгүн сылгы, оҕус соһор (Кытай тыраахтарыгар иилиллэр) от мунньар кыраабылын алаастарыгар тиэрдээри ууну-хаары  ортотунан соһон иһэллэр.

-- Бу Муус Булгунньаҕынан эргийэн, Наммара үрэҕинэн Бөрөөк диэн алааска баран иһэбит. (Бөрөөк Боробул бөһүөлэгиттэн чугас сытар алаас. Оттон Ытык Күөл Боробултан массыына суолунан 10 км. тэйиччи. Алаастарынан эргийдэххэ, тиийиэхтээх сириҥ кый бырах да ыраатыан сөп – авт.) Кытай тыраахтардаахпытын оттуур сирбитигэр тиэрдээрибит, кураанах сирдэринэн эргийэн, балтараа көстөөх сиргэ аҕыс чааһынан тиийбиппит. Сүөһү ииттэн сибиэһэй, иҥэмтиэлээх аһы оҕолорбутугар аһатар туһуттан кыһаллабыт, сыралаһабыт, -- диир Егор Егорович.

Тыа сирин үлэһит дьоно барахсаттар! Хороҕор муостааҕы, сыспай сиэллээҕи сыл таһаарары, отторун ылаары, кыратык да олорон турары умнан, кылгас сайыҥҥа күн аайы маннык түбүгүрүү.

 

 

 

При частичном или полном использовании материалов гиперссылка на сайт ysia.ru обязательна.
Категория: Жизнь Просмотров: 4159 Источник: ЯСИА Автор: Сардаана БАСНАЕВА. Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ