"Бэҕэһээ «Лена» тимир суол станциятыгар 70 вагон, хас биирдии вагоҥҥа 9 тонналаах түөрт турба кэллэ. Өссө 70 вагон Тайшекка турар", - диэтэ өрүс пароходствотын Осетроватааҕы филиалын салайааччыта  Юрий Бадин.

Өрүс пароходствотын экипаһа турбалары, тутуу матырыйаалын, тиэхиньикэни таһарга, тиэйэргэ улахан уопуттаах.

Өлүөнэ өрүс пароходствотын салайааччыта  Сергей Ларионов эппитинэн, стратегическай суолталаах таһаҕаһы тиэйии ымпыгар-чымпыгар тиийэ толкуйдаммыт.

"Сила Сибири" — норуоттар икки ардыларынааҕы, интернациональнай бырайыак Россия гааһын Кытайга диэри тиэрдэр. Газ турбатын уһуна 4000 км, «Саха сирэ – Хабаровскай – Владивосток» хайысханан тардыллар турбаҕа  быһа холуйан 3200 км кээмэйдээх сир киирэр."Сила Сибири" газ тиһигин турбаларын Челябинскайдааҕы турбаны оҥорор собуокка Магнитогорскай ыстаалыттан оҥороллор.