Бороҕон — Дьокуускай хайысханан айаннаан испит такси сарсыарда 7:00 чааска паромҥа киирбит. Паром сарсыарда 9:00 чааска кэлиэхтээх эбит.

Такси суоппара массыынатын үрдүк сиргэ хаалларан баран суотабайынан кэпсэтэ таһырдьа тахсыбыт. Биир үксүн кырдьаҕас уонна оҕо пассажирдар массыынаҕа олорон хаалбыттар.

Массыына үрдүк сиртэн өрүскэ сырылаан түспүт. Олорсон иһээччилэр бастаан утаа билбэтэхтэр, уу биллэн турар, массыына иһигэр киирбит. Дьолго, пассажирдар ортолоругар баар эдэр кыыс ааны аһан, уолуйбут дьону таһаарбыт.

Маны барытан көрбүт дьон эппиттэринэн, мал-сал барыта инчэйбит. Докумуон, суотабай телефон, таҥас, о.д.а.