Манна бырабыыталыстыба бэрэссэдээтэлин бастакы солбуйааччы, үбүлүөйү тэрийэр хамыыһыйа бэрэссэдээтэлэ  Генадий Вадюхин, бырабыыталыстыба чилиэннэрэ, Госдума депутата Федот Тумусов, Бүлүү улууһун баһылыга Сергей Винокуров, Бүлүү куоратын баһылыга  Александр Шипков ыҥырыылаах ыалдьыт буоллулар.

Өйдөбүнньүк бэлиэ - 13 м уһуннаах композиция боруонсаттан оҥоһуллубут. Стела ааптара Саха сирин биллиилээх скульптора  Афанасий Романов. Композицияҕа аҕамсыйбыт казак биир илиитигэр умуллубат уоту туппут. Ити уот газ промышленноһын бэлиэтиир. Онтон атын илиитигэр — бэс лабаата. Улуус бэс маһынан албан аатырар. Маннык лабаа улуус тус бэлиэтигэр (гиэрбэтигэр) эмиэ баар. Бүлүү өрүс үрдүк биэрэгэр турар өйдөбүнньүк Саха сирин арҕаа өттүттэн кэлэр дьону-сэргэни уруйдуу-айхаллыы көрсүөҕэ. Инникитин композицияны ситэриэхтэрэ, болуоссаты тупсарыахтара.

Бырааһынньыктааҕы тэрээһини салгыы ыытыллар.