«Быраастар дьону теплоходка да, сиргэ да көрөллөр. Кинилэр сарсыарда 9:00-тан киэһэ 21:00 чааска диэри тохтоло суох үлэлииллэр. Акцияҕа быраастар дьиҥинэн оҕолору эрэ көрүөхтээх этилэр. Ол эрээри, кинилэр кимиэхэ да аккаастаабаттар», - диэтэ доруобуйа харыстабылын министиэристибэтин пресс-сэкэритээрэ Зоя Игнатьева. 

Дьон ордук окулист, кардиолог, эндокринолог быраастарга сүбэлэтэллэр. Бүлүү кэнниттэн «Үрүҥ халааттаах аанньаллары» тиэйбит теплоход Үөһээ Бүлүү, онтон Ньурба диэки устуоҕа.

СИА теплоход сырыытын, быраастар үлэлэрин кэтээн көрөр.

Информационнай-чэбдигирдэр «Доруобуйа долгуна — бииргэ биһиги күүстээхпит!» акция республика баһылыгын э.т. Егор Борисов өйөбүлүнэн ыытыллар.