Электроэнергиянан туһанааччы уоту туһаныы иһин төлөбүр уонна уота араарыы тустарынан иһитиннэриилэргэ болҕомтотун уурбатах буоллаҕына, ылыллар миэрэлэри кытаатыннараллар. Итилэр истэригэр суукка биэрии, сыаналаах малы былдьааһын, уоту араарыы курдук күһэлэҥ миэрэлэр бааллар.

Киһи уот иһин үс  уонна онтон элбэх күн төлөөбөтөх буоллаҕына, уоту араараллар. 10 ый устатыгар Дьокуускай куорат уонна куорат таһынааҕы бөһүөлэктэргэ олорор 10 589 олохтооҕун уотун араарбыттар. Кинилэр иэстэрэ 75,3 мөл. солк. тэҥнэһэр.

Энергосбыт салайааччыта Владимир Лялигин эппитинэн, дьон төлөбүрү кыра-кыралаан төлүөхтэрин сөп. Дьон иэһин мунньулуута инникитин ыытыллыахтаах өрөмүөннээһин, саҥардыы курдук тэрээһиннэри үбүлээһини харгыстыыр.