Ил Түмэн пресс-сулууспата иһитиннэрбитинэн, республика администартивнай кодексын 9.10 ыстатыйатыгар өрүс, күөл, о.д.а. мууһугар көҥүллэммит суолунан тырааныспар сокуоннайа суохтук туоруурун эрэ иһин эппиэтинэс ыйыллар. Кистэл буолбатах, дьон мууска көҥүллэммэтэх, суолу ыйар бэлиэтэ суох сиринэн туоруур түбэлтэтэ элбэх. Ол киһи олоҕор, доруобуйатыгар кутталлааҕа көстөн турар чахчы.

Дьокуускай куорат депутаттара оҥоһуллубатах муус суолунан сырыы, айан иһин эппиэтинэһи үөскэтэри туруорсаллар. Оннук, туоруур сирэ суох мууһунан сырыы уонна көҥүллэммит суолунан тыраансыпар сокуоннайа суохтук туоруурун иһин ыстыраабы олохтууру туруулаһаллар. Биирдиилээн дьоҥҥо ыстараап 3-5 тыһ. солк. диэри халбаҥныыр, оттон дуоһунастаах сирэйдэргэ 20-тэн 50 тыһ.солк. диэри, юридическэй сирэйдэргэ 100 тыһ. солк. 1 мөл. солк. диэри. Сокуон барылын көҕүлээбит депутаттар этэллэринэн, сокуон барыла ылылыннаҕына, дьон өлүүтэ, тиэхиньикэ ууга былдьаныыта биллэ аҕыйыаҕа.

 Норуот депутаттара сокуон барылын бүтэһиктээх ааҕыыга ылыннылар. Сокуон бэчээттэнэн тахсыаҕыттан ыла күүһүгэр киирэр.