Нэһилиэнньэ – Якутскэнерго саамай кыһалҕалаах төлөөччүлэрин араҥата. Бу сыл 9 ыйын устатыгар республика нэһилиэнньэтигэр 549,3 мөл кВтч уот бэриллибитэ, олортон 514 мөл кВтч төлөммүт.

Итиниэн ситимнээн, иэстээхтэри кытта үлэни күүһүрдэргэ быһаарыныы ылыммыттара. Декада устатыгар Энергосбыт контролердара төлөөбөттөргө 80,5 мөл солкуобай сууммалаах 14 тыһ. кэриҥэ квитанциялары тарҕаппыттара. Өссө биир хардыынан 27,5 мөл солкуобай иэстээх абоненнарга уоту биэриини хаарчахтыыр туһунан 2800-тэн тахса биллэриилэри туттарбыттара.

Энергетиктар ити миэрэлэрэ хардалаах буолбуттара: 3 тыһыынча кэриҥэ уоту туттааччы уот араарыахтарын иннинэ 6,5 мөл солкуобайы төлөөбүттэрэ, 130 абоненнар 1,7 мөл солк иэһи кыралаан төлүүр туһунан дуогабар түһэристилэр, диэн «Якутскэнерго» пресс-сулууспата иһитиннэрдэ.