"Форум чэрчитинэн «Соҕуруу Саха сирэ. Инникилээн иһии стратегията. Кэскилгэ инвестициялааһын»пленарнай мунньахха республика салалтата, федеральнай структуралар, бөдөҥ компаниялар бэрэстэбиитэллэрэ кытыннылар.

Форумҥа республика Президенэ  Егор Борисов, РФ атыы-эргиэн-промышленнай палаататын вице-президенэ  Дмитрий Курочкин, «Тимир» ГМК салайар дириэктэрэ (группа ЕВРАЗ) Михаил Макаров, «Мечел-Майнинг» УК генеральнай дириэктэрин солбуйааччы  Владимир Дронов, «Саха сирин соҕуруу өттүн сайыннарыы корпорацията» ААО генеральнай дириэктэрэ Михаил Брук, РФ Уһук Илини сайыннарыыга министиэристибэтин социальнай-экономическай сайдыыга департаменын дириэктэрин солбуйааччы Григорий Смоляк, «Национальной системы компетенций и квалификаций» департаменын дириэктэрин солбуйааччы  Борис Белков,  управляющайдары сертефикациялыыр национальнай киинин дириэктэрэ, АСИ  бырайыагын бас-көс киһитэ Владимир Жильцов , бааннарга уонна үп-харчы институттарга консультационнай өҥөнү оҥорор бөлөх салайааччыта  Максим Любомудров бааллар. 

Саха сирин соҕуруу өттө — инникилээн иһэр сайдыы сиригэр-уотугар олус тоҕоостооҕун Саха сирин Президенэ ордук бэлиэтээтэ.

«Саха сирин соҕуруу өттүн сайыннарыы корпорацията» ААО генеральнай дириэктэрэ Михаил Брук манна орто уонна дьоҕус бизнескэ индустриальнай пааркалары сайыннарыы туһунан эттэ. Пленарнай мунньах түмүгэр «Дьокуускай куорат» куорат уокуруктааҕы уонна «Нерюнгри оройуона» МТ дьаһалталара хардарыта бииргэ үлэлиир, орто оробуочай идэлээх кадрдары бэлэмниир, о.да. тустарынан дуогабарга хардарыта илии баттаатылар.