2013 сыл түмүгүнэн ситэриилээх былаас уорганнарын үлэтин сыаналыыр рейтиҥҥэ Саха сирин балаһыанньата биллэ тубуста. «Саха сирэ уон бастакы регионнар ахсааннарыгар киирсэн, 6-с миэстэҕэ диэри өрө таҕыста. Кэлиҥҥи үс сылы ылан көрөр буоллахха, рейтинг бастакы кирбиитигэр иһэр үс бастыҥ регион ахсааныгар киирэбит. Биллэн турар, ити федеральнай киин уонна республикатааҕы былаас уорганнарын хардарыта дьайсыылаах үлэтин үтүө түмүгэ», - диэтэ Е.Борисов.
Саха сирин сайдыыта бүгүн үчүгэй көрдөрүүлээх. Аан дойду ырыынагар тахсарга ити сүрүн олугу уурар. «Биэс ый түмүгэ көрдөрбүтүнэн, республика экономикатыгар инвестиция улаатта. Регион олохтоохторун хамнаһа инфляцияны ааҕыстахха уонна былырыыҥҥыны кытта тэҥнээтэххэ, 6 бырыһыан үрдээтэ», - диэтэ кини.
Регион сайдыытын харгыстыыр кыһалҕаларга кини тохтоото. Тутуу матырыйаалын оҥорон таһаарыыга, ас промышленноһын сайыннарыыга, нолуогу төлөөһүҥҥэ кэккэ күчүмэҕэйдэр үөскээбиттэр. «Барыстан нолуогу төлүүр консолидированнай төлөөччүлэр көрдөрүүлэрэ куһаҕана суох. Олохтоох нолуогу хомуйууга нолуок федеральнай сулууспатын управлениета муниципалитеттары кытта хардарыта дьайсан көхтөөхтүк үлэлиирэ болҕомтону тардыах этэ», - диэтэ кини. Егор Борисов нолуогу бөдөҥ төлөөччү «Мечел» компания бөлөҕүн федеральнай уонна республикатааҕы былаас уорганнарын хонтуруолларыгар баарын чиҥэтэн эттэ.
Комментарии
Авторизация на сайте через социальные сети