ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Фотоматериалы

альбомы
(Не отображено 341 фото) Просмотреть все

На карте

24 апреля 2014, 16:45

Уус-Алдан Тумулун олохтоохторо Егор Борисовы өйүүргэ ыҥырыы ылыннылар


Муус устар 24 күнүгэр Уус-Алдан улууһун киинигэр, Бороҕоҥҥо, Өрөспүүбүлүкэ уонна бэйэни салайыныы күнүгэр аналлаах үөрүүлээх мунньах буолан ааста. Тэрээһиҥҥэ муниципальнай тэриллии баһылыга Алексей Федотов, депутаттар, нэһилиэктэр, тэрилтэлэр салайааччылара кытыннылар.

photoByWidth&id=4432&width=1000

Биир бэлиэ түгэнинэн Бороҕон нэһилиэгин баһылыга Василий Алексеев этиитэ буолла. Кини биллэрбитинэн, бэҕэһээ Тумул олохтоохторо мустан, сүбэлэһэн баран, улуус уонна өрөспүүбүлүкэ олохтоохторугар ыҥырыы ылыммыттар. Баһылык ол ынырыыны ааҕан иһитиннэрдэ:

"Ытыктабыллаах Саха Өрөспүүбүлүкэтин күнүн кыттыылаахтара, күндү биир дойдулаахтарбыт!

Быйыл, 2014 сыл балаҕан ыйын 14 күнүгэр, Саха Өрөспүүбүлүкэтин баһылыгын быыбара буолар. Бу быыбарга Россия Президенэ Владимир Владимирович Путин биһиги Өрөспүүбүлүкэбит Ил Дархана Егор Афанасьевич Борисов кандидатуратын өйүүрүн биллэрдэ уонна быыбарга дылы Өрөспүүбүлүкэ Президенин эбээһинэһин толорооччу буоларыгар көрдөстө.

275 сыл анараа өттүгэр биһиги улуу төрүппүт, бөлүһүөк Сэһэн Ардьакыап Санкт-Петербурга тиийэн, Екатерина II ыраахтааҕыны көрсөн, Саха сиригэр бэйэни салайыныыны олохтууру туруорсубута.

Бу кэрэ-бэлиэ түгэн Саха сирин инники дьылҕатын, кэлэр кэскилин туруулаһар дойдубут баһылыгын талыы быыбарын кытта сөп түбэспитэ бэйэтэ туспа Ытык бэлиэ.

Онон, биһиги – Бороҕон нэһилиэгин олохтоохторо, Сэһэн Ардьакыап сиэттэрэ, сүргэбит өссө төгүл өрө көтөҕүллэн туран, Егор Афанасьевич Борисов кандидатуратын 100% өйүүрбүтүн биллэрэбит уонна улууспут бары олохтоохторун биһигинниин биир буоларга ыҥырабыт!".

Үөрүүлээх мунньах кыттыылаахтара бу ыҥырыыны биһирииллэрин биллэрэн ытыстарын таһыннылар.

При частичном или полном использовании материалов гиперссылка на сайт ysia.ru обязательна.
Категория: Политика Просмотров: 5074 Источник: ЯСИА Автор: Яков Сидоров Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ