Республика сокуонугар этиллэринэн, Саха сирин баһылыгын дуоһунаһыгар турар кандидат Быыбар киин хамыыһыйатын оробуочай бөлөҕөр быыбарга кыттарга сөбүлэҥин, хантан дохуоттанарын уонна ол кээмэйин туһунан сибидиэнньэни, пааспарын куоппуйатын киллэриэхтээх. Ону таһынан үөрэҕин, ханна үлэлиирин, дуоһунаһын, Россия тас өттүгэр баар хамсаабат баайын (баар буоллаҕына), сири, о.д.а. хамсаабат баайы, тырааныспары, сыаналаах кумааҕыны, о.д.а. атыылаһыыга хас биирдии сөбүлэһиигэ ороскуотун, кэргэнин ороскуотун, сокуоннай саастарын ситэ илик оҕолорун туһунан сибидиэнньэни биэриэхтээх.
Егор Борисов сокуон ирдэбилинэн, тута быыбар счетун арыйарга көҥүлү ылла. Туох баар ирдэниллэр процедура кэнниттэн Саха сиринээҕи быыбар киин хамыыһыйатын бэрэссэдээтэлэ Анатолий Кривошапкин кандидаты эҕэрдэлээтэ уонна республика Конституциятын туттарда.
Комментарии
Авторизация на сайте через социальные сети