Телебиэриини көрөөччү пенсия үрдүүрүн туһунан ыйытыгар хоруйдууругар Егор Борисов пенсионнай хааччылыы федеральнай, сороҕо эрэ регион уонна муниципальнай боломуочуйаларга киирсэрин бэлиэтээтэ.
«Атын регионнардааҕар хоту сиргэ пенсия үрдүк буолуохтаах диэн санааны кытта сөпсөһөбүт. Туох-ханнык иннинэ региоммут, сирбит-уоппут, айылҕабыт, климаппыт уратытынан. Бу туһунан биһиги федеральнай таһымҥа туруулаһабыт, туруорсабыт», - диэтэ кини.
Социальнай өйөбүл хайа эрэ өттүнэн чопчу аадырыстаммыт буолуохтаах. «Сэрии тулаайахтарыгар» (1936-1945 сылларга төрөөбүттэргэ) чэпчэтиини олохтуур туһунан боппуруоһу билигин дьон-сэргэ сытыытык туруорар. Республикабытыгар уопсайа 60 тыһыынча бэтэрээн баар. Сыалай көлүөнэҕэ харчынан төлөбүрү олохтуур кыахпыт суох. Холобур, сэрии кэмигэр тулаайах хаалбыттар диэн чопчу аадырыстаммыт хайысха үөскэтиллиэхтээх. Ол туһунан билигин элбэҕи ырытабыт, толкуйдуубут. Улуу Кыайыы 70 сылыгар бэлэмнэнэбит. Ити кэмҥэ тустаах ыйаах тахсыаҕа, онно бэтэрээннэргэ государство өттүттэн социальнай суолталаах миэрэлэри ылыахпыт», - диэтэ Е.Борисов.
Егор Борисовы кытта быһы кэпсэтии ыам ыйын 13 күнүгэр «Саха» НКИК телеханаалыгар буолбута.
Комментарии
Авторизация на сайте через социальные сети