Бу күн муус устар 28 күнүгэр Егор Борисов салайааччылаах правительство делегацията 220 үөрэнээччигэ анаммыт тутулла турар Чурапчы гимназиятын билистэ. Манна буолбут кэпсэтии бу эрэ тутуунан хаарчахтаммата. Социальнай эйгэ атын тутуулара, уокка былдьаммыттары дьиэлээһин боппуруостара болҕомто күөнүгэр турдулар.
Александр Федотов аатынан элбэх функциялаах спорт киинигэр Егор Афанасьевиһы уонна кини коллегаларын С.А.Новгородов аатынан Чурапчытааҕы орто оскуола үөрэнээччилэрин хора көрүстэ. Тыһыынчанан киһи Россия, Саха сирин уонна Чурапчы улууһун гимнэрин өрө көтөҕүллүүлээхтик толордо.
Итини таһынан кини тыа хаһаайыстыбатын бородууксуйатын, тутуу матырыйаалларын быыстапкаларыгар сырытта уонна тутуу матырыйаала арааһа элбэҕин сөхтө.
Парвительство бастакы вице-премьера Геннадий Вадюхин, спорт миниистирэ Михаил Гуляев, норуот депутата Иван Макаров, президент уонна правительство дьаһалтатын салайааччыта Юрий Куприянов Егор Борисовы бу оробуочай сырыыга арыаллаатылар.
Комментарии
Авторизация на сайте через социальные сети