«Биһиги форуммутугар талааннаах 3000 үөрэнээччи кэлэр. Кинилэртэн баһыйар үгүстэрэ тыа сирин оҕолоро. «Өлүөнэ кыраайа» форумҥа инники элитаны иитэн таһаарар сорук турар. Аан дойдутааҕы бакалавриат систиэмэтигэр киирэр туһунан билигин кэпсэтиини ыыта сылдьабыт. Ол аата, манна кэлэр оҕолор английскай тылы үөрэтиэхтэрэ, аан дойду араас муннугар баар дьоһун үөрэх кыһаларыгар үөрэнэр кыахтаналлар», - диэтэ дириэктэр.
Форум дьиэтэ-уота тилэри толкуйдаммыт, онон, интернат уонна үөрэнэр куорпус холбуу тураллар.
Форум быйыл 15 сыллаах үбүлүөйүн бэлиэтиир. Бу кэм-кэрдии устата уопуту мунньунар, дьиэтин-уотун тупсарар.
Егор Борисов бэс ыйын 1 күнүгэр сылдьыбыт икки оскуолаҕа майгыннаһар өрүттэр тустарынан этэ. Ити «Бэс Чагдаҕа» баар норуоттар икки ардыларынааҕы арктическай уонна «Өлүөнэ кыраайа» форум элитнэй оскуолалара. Үөрэх миниистирэ Сардана Татариноваҕа бу икки оскуола бырайыактарын бииргэ тутан ырытарга сорудахтаата уонна от ыйыгар бүтэһиктээх бырайыагы оҥорорго эттэ.
Комментарии
Авторизация на сайте через социальные сети