Телебиэриини көрөөччү Егор Борисовтан Мархаҕа гааһы киллэрии туһунан ыйытта. Егор Борисов Марханы гааһынан хааччыйыы бу сылга быһаарыллыаҕын, үлэ түмүктэниэҕин туһунан бэлиэтээтэ.
«Газификацияҕа анаммыт урукку бырагыраама түмүктэммитэ. Ол тилэри туолла. Илин эҥэргэ, Бүлүү бөлөх улуустарыгар газ тиийдэ. Дьокуускай эргинээҕи бөһүөлэктэри гаастааһын үлэтэ саҕаланна. Үп-харчы тиийбэтиттэн сылтаан гаастааһын саҥа бырагыраамата ылылла илик. «АЛРОСА» АК акцияларын атыытыттан киирбит үп-харчы итиниэхэ туһаныллар. Таатта, Уус-Алдан оройуоннарын диэки гаастааһын салгыы барыа. Ону таһынан Горнайга.
Бастакы бырагыраамаҕа хапсыбакка хаалбыт Бүлүү бөлөҕөр киирсэр бөһүөлэктэргэ күөх төлөн тиийиэҕэ. Нам, Дьокуускай уонна Өлүөнэ өрүһү туоруур газопровод кутталы үөскэппэтин хааччыйыахтаахпыт. Маныаха үп-харчы көрүллүбүтэ».
Комментарии
Авторизация на сайте через социальные сети