Вероника Скворцова уонна Егор Борисов онкологическай киин бырайыагын бэлэмниир оробуочай бөлөҕү бэлэмниир туһунан дуогабардастылар. Бөлөххө Россия уонна Саха сирэ хардарыта дьайсан үлэлиэхтэрэ. Доруобуйа харыстабылын миниистирэ бу сайын Саха сиригэр кэлэн медицина эбийиэгин тутууну өрөспүүбүлүкэ салалтатын кытта ырытыаҕа.
Егор Борисов уонна Вероника Скворцова кэпсэтиилэрэ итинэн эрэ муҥурдаммата. Саха сирин олохтоохторун доруобуйаларын тупсарыы уонна ону сайыннарыы — ырытыһыы киинигэр турда. Вероника Скворцова медицинскэй тэрилтэлэр ахсааннарын аччатыы куораттарга эрэ киириэхтээҕин, оттон үөс сиртэн тэйиччи тыа сирдэригэр баар балыыһалар сабыллыа суохтаахтарын ойуччу тутан бэлиэтээтэ. Ити Егор Борисов санаатын кытта ыкса дьүөрэлэһэр.
Егор Афанасьевич тыа сирдэригэр балыыһалар сабыллыбаттарын үрдүк таһымҥа элбэхтэ туруорсар, туруулаһар.
Егор Борисов уонна Вероника Скворцова көрсүһүүлэригэр республика правительствотын бастакы вице-премьера, РФ президенин иһинэн үлэлиир Саха Өрөспүүбүлүкэтин бастайааннай бэрэстэбиитэлэ Алексей Стручков кытынна.
Комментарии
Авторизация на сайте через социальные сети