Онуоха: «Тыа хаһаайыстыбатыгар үтүмэн үгүс сокуоннаахпыт. Ити сокуоннарбыт балаһыанньалара аһара бутуурдаахтар, сорох-сороҕор бэйэ-бэйэлэрин утарсар да түгэннэрдээх. Сокуоннар олоххо хайдах туһаныллыахтаахтарын быһаарар 350 механизм баара. Ону өссө муҥутуурдук аччатан 60 диэри аҕыйаттыбыт. Ол да үрдүнэн, боростуой тыа үлэһит киһитэ итиниэхэ мунаахсыйара, буккуллара-тэккиллэрэ үгүс. Тыа хаһаайыстыбатын бэрээдэктиир, сүрүннүүр биир кэлимсэ сокуон судургу, дьоҥҥо тиийимтиэ буоларын ситиһэр соруктаахпыт. Тыа хаһаайыстыбатын судаарыстыба өттүттэн күүскэ өйүүбүт, ол эрээри ити өйөөһүн көдьүүһэ суох. Сүөһү төбөтүн ахсаана, бу эйгэ көрдөрүүтэ таҥнары түһэ, намтыы турар.
Сорохтор ырыынак экономикатын уонна бу механизмнары букатын өйдөөбөт, билбэт уонна ылыммат түбэлтэлэрэ эмиэ элбэх. Кэм ирдэбилэ уларыйа, кытаата турдаҕына, наар уруккуулуу олоро сатааһын баар дииргэ тиийэбит.
Тыа хаһаайыстыбатын быһаарар сокуону ким барыта өйдүүр, ылынар гына оҥороммут, дьон-сэргэ дьүүллэһиитигэр киллэриэхпит. Биллэн турар, этии, санаа барыта 100 бырыһыан тилэри киирэрэ кыаллыбата дьэҥкэ. Ол эрээри баҕа санаа, туруорсуу баһыйар үксэ туһаныллыаҕа, аахсыллыаҕа диэн бигэтик этиэхэ сөп. Ыйытааччы тиэтэйбэккэ-саарайбакка, ыксаабакка ылыныаҕыҥ диэн этиилээх. Оччоҕо-баччаҕа диэри чопчу болдьохтообоппут. Дьон-сэргэ сокуон барылын өйдөөтө уонна ылынна да, сокуон күүһүгэр киириэҕэ», - диэн хоруйдаата Егор Борисов.
Комментарии
Авторизация на сайте через социальные сети