ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Фотоматериалы

альбомы
(Не отображено 341 фото) Просмотреть все

На карте

9 июня 2014, 11:10

Егор Борисов Удачнай уонна Айхал олохтоохторун кытта көрүстэ


«АЛРОСА» АК Удачнайдааҕы ГОК уопсастыбаннай киинигэр бэс ыйын 7 күнүгэр Саха сирин баһылыгын э.т. Егор Борисов Удачнай уонна Айхал олохтоохторун кытта көрүстэ.

Көрсүһүү саҕаланыыта  Егор Борисов «АЛРОСА» компания республика сайдыытын уонна бигэ туругун мэктиэтэ буоларын ойуччу тутан бэлиэтээтэ.

Куруук буоларын курдук, дьон-сэргэ Егор Афанасьевичка туруорсуута, этиитэ элбэх. Ол курдук, Удачнайга өссө биир сапараапкалыыр станцияны тутар, Мииринэйгэ ОСАГО страховка компаниятын филиалын аһар, о.д.а. туһунан эттилэр.

Ил Тумэн депутата Юрий Николаев Айхал бэйэтэ мировой судьуйаланыаҕын уонна ол тула ыытыллар үлэ туһунан кэпсээтэ.
 Егор Борисов тырааныспар министиэристибэтэ олохтоох дьаһалтаны кытта асфальт собуотун наадалаах оборудованиенан хааччыйарыгар сорудахтаата.

Быйыл Уһук Хоту сиртэн көһүөн баҕалаах Мииринэй олохтоохторугар олорор дьиэ 80 сертификата бэриллиэҕэ.  

Уоппускаҕа босхо айан туһунан ыйытыгы олохтоохтор көтөхтүлэр. Егор Борисов Уһук Илини тэтимнээхтик сайыннарыыга бөдөҥ бизнескэ чэпчэтиилэр оҥоһуллуохтаахтарын туһунан элбэх этии киирэрин, туох-ханнык иннинэ Уһук Илин регионнарын олохтоохторугар чэпчэтии үөскэтиллиэхтээҕин республика салалтата куруук туруорсарын кэпсээтэ. Россия президенэ Владимир Путин регион олохтоохторун маннык этиилэрин ылыммытын, ол түмүгэр уһук хоту сир олохтоохторо икки сылга биирдэ уоппускаларын кэмигэр босхо айанныыр кыахтаннылар. Ити федеральнай сокуоҥҥа киирбит. Сокуоҥҥа этиллэринэн, киһи хайдах көрүҥнээх тэрилтэҕэ үлэлиириттэн айан төлөүрэ аны тутулуктаммат, үлэһиккэ барыларыгар дьайар.

Нэһилиэнньэҕэ медицинскэй өҥөнү оҥоруу ырытыһыы эргийэр киининэн буолла. Егор Борисов сотору Мииринэй оройуонугар 100 идэлээх дьон кэлиэҕин, төрүүр саҥа отделение аһыллыаҕын, оттон босхоломмут дьиэ клинико-диагностическай кииҥҥэ уларытыллан оҥоһуллуоҕун, Удачнай куораттааҕы балыыһаҕа наркологическай отделение аһыллыаҕын туһунан эттэ. Доруобуйа харыстабылын миниистирэ Александр Горохов ити дьаһал быйыл күһүн олоххо киириэҕин, Удачнайдааҕы балыыһаны аныгы оборудованиенан хааччыйыыга республика бюджетыттан 8 мөл. солк. бэриллиэҕин туһунан иһитиннэрдэ.

Егор Борисов нэһилиэнньэни кытта көрсүһүүгэ дьон туруулаһыытыгар, туруорсуутугар тирэҕирэн, тута быһаарыыны, дьаһалы ылар. Холобур быһыытынан эттэххэ, оскуоланы туйгуннук бүтэрээччилэргэ федеральнай киин кыһыл көмүс мэтээли биэрэри тохтоппутун да үрдүнэн, республикаҕа бастыҥ үөрэнээччиллэр баллара булгуччу буолуоҕун туһунан кини көрсүһүү кэмигэр быһаарыы ылынна. Үс уонна онтон элбэх улааппыт оҕолордоох дьахталлар мантан ыла элбэх оҕолоох ийэлэр ахсаанарыгар киирсиэхтэрэ. Ол эрээри, сокуоннай саастарын ситэ илик оҕолоох ийэлэргэ курдук чэпчэтиилэринэн туһанар бырааптара суох.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 5045 Источник: ЯСИА Автор: www.egorborisov.ru Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ