Кини эппитигэр тирэҕирдэххэ, республикаҕа бэтэрээннэргэ ураты сыһыан үөскээбит: «Фашизмы утары саа-саадах тутан сэриилэспит дьон оруобуна 69 сыл аннараа өттүгэр дойдубутугар тыыннаах эргиллэн кэлбиппит. Биһигини хас биирдиибитин төрөөбүт төрүт дойдубут, чугас дьоммут көрсүбүттэрэ. Сэрии кэнниттэн алдьархайдык алдьаммыт дойдубутун чөлүгэр түһэрэр, сүһүөҕэр бигэтик туруорар туһугар дьаныардаахтык үлэлээбиппит.
Бүгүҥҥү ааҕыынан сэрии уонна тыыл бэтэрээннэрэ букатын аҕыйах хааллыбыт. Төһө да аҕыйахпыт иһин республика салалтата биһиги туспутугар кыһамнылааҕын дьэҥкэтик билэбит. Аҕыйах да буолларбыт норуоппутугар наадалаахпытын эмиэ билэбит. Егор Афанасьевич, эн биһиги туспутугар олус болҕомтолооххун уонна элбэҕи үлэлиигин. Ол иһин быыбарга эн тускар куоластыахпыт.
Комментарии
Авторизация на сайте через социальные сети