Республика атын улуустарыгар курдук, Өлүөхүмэ олохтоохторун эмиэ суол туруга улаханнык долгутар. Маныаха анаммыт ыйытыкка хоруйдууругар тырааныспар миниистирэ Семен Винокуров элбэх таһаастаах ыарахан ыйааһыннаах массыыналар суолу алдьаталлара үксээбитин бэлиэтээтэ. 12 тоннаны аһарар ыйааһыннаах массыыналартан төлөбүрү ылар туһунан быһаарыллыбытын, ити үп-харчы суолу өрөмүөннүүргэ туһанылларын кини кэпсээтэ.
Олохтоох оҥорон таһаарыыны сайыннарыы, маһы таҥастыыр комбинаты аһыы, гипс үөскээбит сиригэр тутуу матырыйаалын оҥоруу туһунан киэҥник хабан кэпсэтиигэ Егор Борисов Өлүөхүмэ олохтоохторуттан этии, туруулаһыы киириэхтээҕин бэлиэтээтэ. Ол туһунан www.egorborisov.ru саайтка суруллар.
«Көҕүлээһиннэ оҥоруҥ, саҥа саҕалааһыны иилээҥ-саҕалааҥ. Техническэй уонна экономическай өттүн ааҕан, суоттаан бизнес-былааҥҥа тыктарыҥ. Бэйэ кыаҕынан туох оҥоһуллуон сөбүн, судаарыстыба өйөбүлэ туохха наадатын чопчутук уонна чуолкайдык быһаарыҥ. Оччотугар биһиги булгуччу көмөлөһүөхпүт диэтэ», - диэтэ Егор Афанасьевич.
Авиабилиэккэ дотация, нэһилиэктэргэ Сбербаан филиалларын сабыллыыта, моҥкурууттаабыт кэтэх тэрилтэлэр үлэһиттэргэ иэстэрэ, о.д.а. боппуруостары олохтоохтор Е.Борисовка биэрдилэр уонна ол ыйытыктарга тилэри хорутуулаах хоруйу ыллылар.
Комментарии
Авторизация на сайте через социальные сети