“Эн санааҕар, тыа хаһаайыстыбатыгар көрүллэр үбүлээһин төһө сөптөөҕүй? Көрсүһүүлэргэ куруутун алларааттан этиилэрдэ киллэриҥ диэн этэҕин. Тыа дьонуттан төһө элбэх этии киирдэ?” – диэн ыйытар Майа олохтооҕо Алексей Игнатьев.
“Кэнники сылларга нэһилиэнньэттэн интэриэһинэй этии, саҥа көрүү киирэрэ элбээбитин бэлиэтиэх тустаахпын. Ол бииринэн, нэһилиэк, улуус салалтатыгар, ол иһигэр тыа хаһаайыстыбатын эйгэтигэр эдэрдэр элбээбиттэриттэн тутулуктаах. Иккиһинэн, дьон-сэргэ общественнай олоххо кыттыһан, баар кыһалҕаны быһаарыыга санаатын этэр буолбутун көрдөрөр”, - диир Егор Афанасьевич.
Оттон тыа хаһаайыстыбатыгар бэриллэр үбү тыырыы туһунан Егор Борисов салгыы маннык диир.
- Тыа хаһаайыстыбатыгар көрүллэр үбү, боломуочуйаны барытын улуус дьаһалтата ылан олорор. Ону ааһан өссө билигин сорох улуустар бу боломуочуйаларын нэһилиэк таһымыгар биэриэхтэрин баҕаран эрэллэр. Нэһилиэктэр үөрүүнү кытта ылабыт дии олороллор. Ол эрээри мин санаабар, нэһилиэк билиҥҥи туругунан итини кыайыа суоҕа. Онон итини барытын бу саҥа оҥоһуллуохтаах тыа хаһаайыстыбатын туһунан сокуоҥҥа киллэриэхпит. Манна даҕатан өссө хатылаан этиэм этэ, былаас аҥардас бэйэтэ эрэ тугу да быһаарбат. Кыһалҕаны быһаарыыга нэһилиэнньэ кыттыһан санаатын биллэриэн наада”, - диэн бэлиэтиир Егор Афанасьевич.
Комментарии
Авторизация на сайте через социальные сети