ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Фотоматериалы

альбомы
(Не отображено 341 фото) Просмотреть все

На карте

2 июня 2014, 12:46

Саха сирин салалтата Бүлүү олохтоохторугар көмөлөһүөҕэ


Егор Борисов ыам ыйын 30 күнүгэр Бүлүү уулууһун социальнай-экономическай сайдыытыгар уонна Бүлүү куоратын 380 сылыгар аналлаах тэрээһиҥҥэ бэлэмнэнии үлэтигэр анаммыт мунньаҕы ыытта.

Суолу тутуу, сибээһи сайыннарыы, Интернет хаачыстыбатын үрдэтии, улууска үөрэх, доруобуйа харыстабылын туруктара, олорор дьиэни тутуу, коммунальнай хаһаайыстыба дьүллэһии үөһүгэр турда.

Бүлүү куорат 380 сылын бэлиэтииргэ дьон көхтөөхтүк кыттар. Республикатааҕы таһымнаах тэрийэр кэмитиэти правительство бастакы вице-премьерэ Генадий Вадюхин салайар. Никольскайдааҕы православнай церковь, олоҥхо дьиэтэ бэлиэ күҥҥэ анаан тутуллубут. Куорат тас көстүүтүн тупсарыыга кэккэ миэрэлэри ылбыттар. Ол эрээри, быһаарыллыбакка турар элбэх боппуруос баар. Итилэри буолан ааспыт мунньахха дириҥник хайан ырыттылар.

Олохтоох дьаһалта Бүлүү куоратыгар балыыһа саҥа комплексын тутууну туруорсар. Муниципалитекка бэйэтигэр маныаха үп-харчы суох. Мунньах кэмигэр  Генадий Вадюхин итини иэс суотугар тутар уһунан правительство толкуйдуурун эттэ. Мунньах бүтүүтэ  Егор Борисов Геннадий Вадюхиҥҥа туһаайан правительство саҕаламмыт үлэни тиһэҕэр диэри тиэрдэригэр уонна бүтэһиктээх быһаарыыны ыларыгар сорудахтаата.

Бюджеты таһынан үп-харчы суотугар спорт саалатын тутууну бүтэрэргэ муниципалитет этии киллэрдэ. Генадий Вадюхин эппитинэн, тутуу республикатааҕы бырагыраамаларга киирбэтэх, онон государство бюджетыттан үбүлэнэр кыаҕа суох. 160 мөл. солк. суумалаах култуура дыбарыаһын тутууга эмиэ итиниэхэ майгыныыр быһыы-майгы үөскээбит. Генадий Вадюхин спорт саалатын 2017 сылтан ыла тутууну государственнай бырагырааҕа киллэрэри спорт министиэристибэтэ сүрүннүүрүгэр эттэ. Оттон култуура дыбарыаһа хантан үбүлэнэн тутулларын быһаарар туһунан эппитин Егор Борисов өйөөтө.

Араас бырагыраамаларынан, ол иһигэр саахалланар кутталаах дьиэлэртэн көһөрүү, элбэх оҕолоохторго анаммыт дьиэлэр хочуолунайдарын тутуу тула уустук быһыы-майгы үөскээбит.

«ДьКХ» ГУП генеральнай дириэктэрэ Александр Ноговицын бастакы дьиэлэргэ модульнай хочуолунайдары тутууттан саҕалыыры эттэ. «Кэлин ити хочуолунай кыамтатын 10 МВт диэри улаатынныллыахтаах. «ДьКХ» ГУП инвестиционнай бырагырааматынан ол үбүлэниэҕэ», - диэтэ кини.

Саха сирин бөдөҥ государственнай деятелэ Степан Аржаковка аналлаах музейы республика үбүгэр-харчытыгар тутар туһунан туруулаһыыга Егор Борисов аккаастаата. Егор Афанасьевич тутууга ыччат кыттыһара, онон ити тутуу үбүлэниитэ государственнай деятель төрөөбүт улууһуттан тахсыахтааҕын ыйда. Былаас буолбакка, норуот (үлэ коллективтара, оскуола уонна уопсастыбаннай тэрилтэлэр, о.д.а.) итини көҕүлүөхтээҕин кини чиҥэтэн бэлиэтээтэ. «Оннук көҕүлээһин баар буоллаҕына, республика салалтата көмөлөһүөҕэ», - диэтэ кини.

Кыргыдай нэһилиэгин баһылыга  Семен Григорьев нэһилиэккэ быйыл саҥа хочуолунай тутуллубутун, онон 24 дьиэ кииннэммит ититиигэ холбоммутун эттэ. Сэлиэнньэ атын дьиэлэрин холбуурга улахана суох теплотрассаны тутар наадатын кини ыйда. «Оччотугар Кыргадай дьиэлэригэр сылаас, тымныы уу, о.д.а. хааччыллыы баар буолуох этэ. Куоракка курдук дьиэлэниэхпит-уоттаныахпыт», - диэтэ кини.

Егор Борисов кини туруорсуутугар тута быһаарыы ылла. ДьКХ уонна энергиэтикэ министиэристибэтэ үбү-харчыны буларыгар сорудахтаата. «Үтүө дьыаланы бары бииргэ оҥоруоҕуҥ!», - диэн ыҥырбытын дьон биһирээн ытыһын күүскэ таһынна.

Үөс сиртэн тэйиччи II-с Күүлээт нэһилиэгин баһылыга сэлиэнньэ тыҥаан турар кыһалҕаларын сиһилии кэпсээтэ. Киин ититэр ситимҥэ холбонуу, гаастааһын, суолу оҥоруу, Күүлээккэ икки нэдиэлэҕэ биирдэ эрэ дьоҕус авиация көтөрүн, о.д.а. боппуруостары кини көтөхтө. Бу ыраах сытар нэһилиэк үрэҕэр понтоннай муостаны тутуу, суол өрөмүөннэнэрэ былааннаммытын кэпсэтии кэмигэр эттилэр.

Тырааныспар министиэристибэтэ II Күүлээт нэһилиэгэр авиационнай рейси икки бүк улаатыннарарыгар, ДьКХ министиэристибэтэ 2014 сылга 14 олорор дьиэни кииннэммит ититиигэ холбууругар Егор Борисов сорудахтаата. Гаастааһыҥна эрэ кыһалҕа баар. Правительство ити туһунан тилэри толкуйдуоҕун туһунан кини эттэ.

 Мунньахха вице-премьердар  Феодосия Габышева уонна Петр Алексеев, министиэристибэлэр уонна биэдэмистибэлэр салайааччыларар, Ил Түмэн депутаттара, Бүлүү улууһун баһылыга  Сергей Винокуров, нэһилиэктэр баһылыктара, тэрилтэлэр салайааччылара кытыннылар. Мунньахха  улуус сайдыытын туһунан киэҥник хабан ырытталар.

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 5264 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ