Дьокуускайга эстафета сэтинньи 9 күнүгэр аэропортан саҕаланна. Уоту 80-тан тахса киһи тутта, факел олимпийскай эрэллэр Училищеларынан, Комсомольскай болуоссатынан, Ирбэт тоҥ саарыстыбатынан сырытта.

Эстафета бүтэһик кэрдииһинэн «Триумф» спорткомплекс буолла, онно уоту олимпийскай чемпион Павел Пинигин аҕалла. Кини уоту биатлоҥҥа Россия чемпионкатыгар Надежда Елисееваҕа туттарда, онтон Саха сирин президенэ Егор Борисовтыын анал иһиккэ уматтылар.

«Сочитааҕы Олимпиада сүрүн бэлиэтэ Саха сиригэр кэллэ. Саха сиригэр спорду уолус таптыыллар. Биһиги улуу спортсменнарбытынан, олимпиада чемпионнарынан уонна призердарынан Павел Пинигининэн уонна Евгения Колодконан киэн туттабыт», - диэтэ Егор Борисов.

Кини Россия хайырга сүүрүүтүн уонна биатлонун сүүмэрдэммит хамаандалара Алдаҥҥа дьарыктанан бардылар диэтэ. Саха сирэ элбэх спорт көрүҥнэрин өйүүр, республикаҕа түөрт сыл буола-буолаоруоттар икки ардыларынааҕы «Азич оҕолоро» оонньуулар буолаллар, онно бэйэлэрин маастарыстыбаларын кэлин олимпийскай чемпиона буолуохтаах оҕолор чочуйаллар диэн бэлиэтээтэ.

Бэйэтин санааларынан Надежда Елисеева үллэһиннэ, киниэхэ Дьокуускайга Олимпиада уотун оттор чиэс тигистэ.