Акция икки хайысханан тэриллбитэ:

- «Михаил Светлов теплоходунан өрүһүнэн айан: Дьокуускай к. - Сангаар б. - Бүлүү к. – Үөһээ Бүлүү с. – Ньурба к. - Дьокуускай к.

- массыына суолунан айан: Дьокуускай к. - Бэрдьигэстээх с. - Бүлүү к. – Сыдыбыл с. - Үөһээ Бүлүү с. – Хомустаах с. - Харыйалаах с. - Сунтаар — Ньурба к. - Дьокуускай к.

Республика нэһилиэнньэтигэр үрдүк квалификациялаах медицинскэй көмөнү оҥоруу, чөл олоҕу тарҕатыы, доруобуйаны бөҕөргөтүү бу акция сыалынан-соругунан буолбута.

Акция СР правительствотын өйөбүлүнэн ыытыллыбыта.

Хос тэрийээччилэр:

·        Санкт-Петербурдааҕы государственнай педиатрическай университет

·        Иркутскайдааҕы государственнай медицинскэй академия

·        СР медицинскэй тэрилтэлэрэ

·        СР бэчээккэ, телевидениеҕэ уонна радиоҕа департамена

·        СР спортка министиэристибэтэ

Акцияҕа 28 быраас, орто персонал 13 үлэһитэ, о.д.а. идэлээхтэр кытыннылар.

Теплоход тиийэр алта улууһа, ол иһигэр 3 куорат, 9 сэлиэнньэлэр, барыта 12 нэһилиэнньэлээх пуун акцияҕа хабыллыбыта. 3644 киһини, ол иһигэр 2448 оҕону, 1196 улахан дьону быраастар көрбүттэрэ.

Санкт-Петербург специалистара 1084 оҕо доруобуйатыгар сүбэ-ама биэрбиттэрэ, Иркутскайдар 216 улахан киһини көрбүттэрэ. Дьокуускайдар - 1051 киһини.

Сиринэн айаннаабыт быраастар республика 5 оройуонугар, ол иһигэр 2 куоракка, 8 сэлиэнньэҕэ сылдьан барыта 1329 киһи, ол иһигэр 425 оҕо, 904 улахан дьон доруобуйаларын туругун бэрэбиэркэлээбиттэрэ.

Барыта 3644 киһи доруобуйатын көрбүттэриттэн, 2448 - оҕо, 1196 -улахан дьон. 266 киһи амбулаторияҕа, 97 оҕо стационарга эбии чинчийиини барыахтаахтарын туһунан эттилэр. 321 киһи амбулаторияҕа, 72 оҕону стационарга эмкэ ыыттылар. Күнүскү стационарга 37 уонна 8 оҕо күннэри-түүннэри бэрэбиэркэлэниэхтээхтэрэ, эмтэниэхтээхтэрэ этилиннэ.

Итини таһынан быраастар араас ис хоһоонноох семинардары, маастар-кылаастары, лекциялары тэрийдилэр. Хас биирдии оройуоҥҥа муниципальнай тэриллиилэр баһылыктарын, медицискэй, спортивнай уопсастыбаннаһы кытта көрүстүлэр.