«Бу быыстапка Бриллиант нэдиэлэтин чэрчитинэн ыытылынна. Саха сирин ювелирнай компанияларын дьикти, кэрэ оҥоһуктарын аан дойду таһымыгар сыаналаатыннар диэн тэрийдибит» - диэтэ Иван Кычкин.

Бу оҥоһуктары барыларын бииргэ мустахха куйаарга тиийэр сыаналаах, хас эмэ мөлүйүөннээх буолар. «Манна саха сирин YDC компанията трансформер Галантус -диэн биһилэҕэ аҥардас 3 мөлүйүөннээх. Бизнеһынан дьарыктанар дьоҥҥо оҥоһуктарбытын көрдөрөөрү уонна кэҥээн сайдан иһээри маннык быыстапкалары тэрийэбит» диэн быыстапка аһыллыытыгар эттэ алмаас компаниятын генеральнай дириэктэрэ Александр Максимов.

Онтон «Золото Якутии» компания уонна Петр Яковлев дьиҥнээх айылҕа тааһыттан «Белолицая красавица» диэн бииргэ оҥорбут үлэлэрин көрдөрдүлэр.

«Ханнык баҕарар быыстапка бэйэ үлэтин көрдөрүү түмүгэ буолар», - диэн эттэ «Золото Якутии» компания директора Алексей Николаев. Өссө биһиги сахалыы эрэ стилинэн буолбакка олох сайдыытынан стиллэргэ үлэлэһэбит диэн эбэн эттэ.

«Бриллиант нэдиэлэтин бырайыага ыытыллыбыта быйыл 3 сыла. Маннык хардыынан баран истэхпитинэ, ювелирнай компанияларбыт, алмааһы кырыылыыр собуоттарбыт аан дойду ырыынагар тахсыахтара, биллиэхтэрэ», - диэн тэрийэр кэмитиэт бэрэссэдээтэлэ Дмитрий Глушко эттэ.