Дмитрий Глушко хас чааһы быһа ыалдьыттары кытта сэлэстэ. «Мин ыалдьыттар үгүстэрэ биһиги республикабыт туһунан билэллэриттэн үөрдүм, – диир Дмитрий Глушко. – Элбэхтэр Саха сирэ – дойдубут сүүнэ регионун, тымныытын уонна алмаастарын билэллэр».

Республика  экспозициятын аһыллыытыгар Дмитрий Глушко Олимпиада ыалдьыттарыгар  «Якутия. Современный путеводитель» кинигэни билиһиннэрдэ.

Саха сирин федеративнай сыһыаннаһыыларга уонна тас сибээстэргэ миниистирэ Валерий Максимов этэринэн, «аныгы суолдьут Саха сирин имиджин көрдөрөр таһаарыы, туристарга эрэ буолбакка, бизнескэ, регионнар уонна аан дойду икки ардыларыгар сыһыаннарга, культурнай сибээстэргэ ананар».

Россия Федерациятын регионнарын Олимпийскай экспозицията  олунньу 7 күнүттэн Олимпийскай пааркаҕа үлэлиир, үс күн устата маны 30 тыһыынчаттан тахса кһи көрдө, диэн федеративнай сыһыаннаһыыларга уонна тас сибээстэргэ Министерство пресс-сулууспата иһитиннэрэр.