Хамыыһыйа мунньаҕын чэрчитинэн РФ энергиэтикэҕэ миниистирин солбуйааччы Вячеслав Кравченко  салайааччылаах бөлөх Дьокуускага тутулла турар ГРЭС-2 эбийиэгэр сылдьыаҕа. ЯГРЭС-2 2018 сылга үлэтин саҕалыахтаах. Электростанция - Уһук Илиҥҥэ ханна да суох эбийиэк.

ЯГЭС тутуу өссө 1961 сыллаахха саҕаламмыта уонна 1970 сыллахха үлэтин саҕалаабыта. Станция өрөспүүбүлүкэ тоҕус киин улууһун электроэнергиянан хааччыйар. Саха сирин балааһын уорганын ааҕыытынан 2020 сылга диэри киин улуустар электрическэй ноҕоруускалара 70% — 500 МВт диэри улаатыахтаах. ЯГРЭС-2 тутуутун тула ырытыһыы, дьүүллэһии бүгүн эрэ саҕаламматаҕа. Саҥа электростанция кыамтаны улаатыннарар, ону таһынан социальнай эбийиэктэр уонна дьон олорор дьиэлэрэ саҥа станцияттан кииннэммит ититиигэ холбонуохтара.

Орто Бүлүүтээҕи газоконденсаттаах сиртэн хостонор айылҕа гааһынан ЯГРЭС-2 хааччыйыахтара. Бырайыак быһыытынан эбийиэк электрическэй кыамтата 193 МВт, ититэр кыаҕа – 469 Гкал/ч.

Электростанция Бүлүүлүүр суолга Чочур Мыраан хайатыгар тутулла турар. Тутууга бэдэрээт тэрилтэлэрин 167 үлэһитэ, 112 тиэхиньикэ үлэлиир.