"Билиҥҥитэ үлэни саҕалыыр кэми дьүүллэһэбит, муостаны тутуу тохтотуллубат. Крымҥа муостаны тутар, о.д.а. туһугар сорох бырайыактары тохтотор курдук этэр сатаммат. Россия тырааныспарын комплексын тутууну сайыннарар чопчу уонна чуолкай стратегия куруук баар. Саахымат хаамыытын курдук, иннигэр, кэннигэр, уҥа, хаҥас диэки халбарыйыан, хамысыан сөп", - диэтэ  С.Аристов.

РФ правительствота Крымҥа бырайыактары киллэрэр туһугар икки бырайыагы тохтотор диэн курдук иһитиннэрии дойдуну тилийэ көппүтэ. РФ премьер-миниистирэ  Дмитрий Медведев:  «Ол иһигэр Тамань пуордун сайыннарыыттан, Өлүөнэ өрүһү туоруур муостаттан аккаастанан туран Крымҥа үбү-харчыны булуохпут», - диэбитэ.

РФ экономическай сайдыыга миниистирэ Алексей Улюкаев трафик чуолкайа суоҕуттан Өлүөнэ өрүһү туоруур муостаны тутуу аалын баһа хоҥнубакка турарын туһунан эппитин РБК иһитиннэрэр.