«Федеральнай суол агентствотыгар конкурс болдьоҕун уларытыы туһунан предквалификацияны ааспыт кыттыылаахтар көрдёспүттэрэ», - диэн быһаардылар «ДорИнфоҕа» Росавтодор пресс-сулууспатыгар.

Санатан эттэххэ, Өлүөнэни туоруур муостаны тутууга конкурс икки сүһүөҕүнэн ыытыллар. Бастакыга кыттарга үс консорциум сайаапка биэрбиттэрэ.  2013 сыл ахсынньы бүтүүтүгэр Федеральнай суол агентствотын салайааччытын солбуйааччы («Росавтодор») Дмитрий Прончатов «ДорИнфоҕа» биллэрбитинэн, предквалификацияны икки кыттааччы ааспыт:  ООО «Транспортные концессии (Саха)» ХЭТ уонна  «Якутская мостостроительная компания» ХЭТ.

Росавтодор дьаһалын быһыытынан,  конкурска этиини киллэрии конкурсу биллэрии саҕаламмыт күнүттэн  90 күнүнэн уһаан биэрэр. Онон, конкурс кыттыылаахтара 2014 сыл кулуну тутар 20 күнүгэр диэри бырыйыактарын биэриэхтэрин сөп.