СР бырабыыталыстыбатын вице-премьера Анатолий Скрыбыкин «Бүлүү», Халыма», «Лена» федеральнай суолталаах суоллар биир тиһиккэ быһа охсуһаллар.

«Федеральнай суоллары саҥардан оҥорон уонна тимир суолу үлэҕэ киллэрдэххэ, республика 80 бырыһыанын сылы эргиччи хааччыйар кыахтаныах этибит. Тырааныспар бырайыагын эбийиэктэрэ барыта үлэҕэ киирдэхтэринэ бюджеккэ кэмчилээһини тахсыах  этэ. Оччотугар таһаҕаһы тиэйиигэ сыл аайы 10 млрд. солк. көрүллүөх этэ», - диир  Скрыбыкин.

Өлүөнэ өрүһү туоруур муостаны тутуу ураты суолталааҕын кини ойуччу тутан бэлиэтээтэ. Бу муоста тутулуннаҕына, Аллараа Бэстээх станциятын, Дьокуускайдааҕы өрүс пуордун, уонна республика арҕаа өттүн быһаччы ситимниирин А.Скрыбыкин ыйда.  
Маныаха сыһыаннаан Юрий Трутнев муостаны тутууга туох да ыйытык үөскээбэтин, суоҕун эттэ. «Оттон муостаны тутууга куонкуруһу тэрийиигэ ыйытык баар», - диэтэ Ю.Трутнев. «Генеральнай прокуратура тендери бэрэбиэркэлииригэр этии киллэриэхпит диэн дуогабардастыбыт. Ол кэнниттэн үлэ саҕаланыа, иннин диэки барыа», - диэтэ вице-премьер.

Өлүөнэ өрүһү туоруур муостаны тутуу куонкуруһугар бүгүҥҥү туругунан икки эрэ консорциум кыттарга көҥүллээх. Маны суол-иис федеральнай агенствота иилээбитэ-саҕалаабыта уонна талбыта. Куонкурус кыттыылаахтара кимнээх буолаллара кулун тутар 21 күнүгэр быһаарыллыахтаах, муус устар 11 күнүгэр кыайыылаах ааттаныахтаах этэ. Муостаны тутуу бырыйага 56,03 млрд. солк. сыаналанар.