"Өрөспүүбүлүкэҕэ муоста тутуллара булгуччу наадалаах. Муоста миллиардынан суумалаах үбү-харчыны кэмчилиэҕэ. Итиннэ ороскуоттанар бюджет үбэ-харчыта хоту сирдэргэ таһаҕаһы тиэйиигэ ыытыллыан сөп ", - диэтэ Кугаевскай.

Биллэрин курдук, муоста тутуллуутун бырайыагын бэлэмнээбиттэрэ, куонкурус ыытыллыбыта уонна бу куонкуруска кыайыылаах ким буолара быһаарыллыбыта. Ол эрээри, РФ экономическай сайдыыга министиэристибэтэ бу тутуу болдьоҕун уһаппыта, тардыбыта.

Саха сирин салалтата уонна  Егор Борисов  тус бэйэтэ муоста тутуллуутун туруулаһаллар. «Биһиги Саха сиригэр логистическэй киини үөскэтэри эрэ буолбакка, кытайдары кытта Саха сиринэн тырааныспар көрүдүөрэ оҥоһулларын туруорсабыт. Саха сирин соҕуруу өттүттэн Дьокуускайга диэри, онтон Хотугу муора суолунан таһаҕас харыыта, хаайтарыыта суох тиэйиллиэхтээх.Оччотугар бу тырааныспар көрүдүөрүнэн кытайдар Европаҕа быһа тахсар кыахтаналлар. Мин ити туһунан дойду президенигэр эттим. Ону РФ-ҕа экономическай сайдыы министиэристибэ үөрэтэригэр сорудахтаата. Онон, муоста тутуллуутун мин ураты улахан болҕомтом үөһүгэр тутабын», - диэн Егор Афанасьевич эппиттээх.