Суол федеральнай агенствотын бэрэстэбиитэллэрэ кыттыбыт мунньахтарыгар Өлүөнэ өрүһү туоруур муостаны тутуу үлэтэ барар сирэ федеральнай бас билиигэ биэрии туһунан иһитиннэрдилэр. Маныаха анаммыт үлэ СР Правительствотын уонна Росавтодор икки ардыларыгар түһэрсиллибит сөбүлэһии чэрчитинэн барар.

«Республика дьоно-сэргэтэ бу тутууга сиэрдээхтик сыһыаннаһар. Онон кыһалҕа үөскүө дии санаабаппын. Барылламмыт, быһыллыбыт болдьоххо үлэ оҥһуллуо дии саныыбын», - диэтэ СР Правительствотын вице-премьерэ Анатолий Скрыбыкин.

Муус устар 15 күнүгэр республика Президенэ Егор Борисов киэҥ ыҥырыылаах мунньахха кыттыаҕа. Өлүөнэ өрүһү туоруур муостаны тутууга Росавтодор, «Россия суоллара» ФКУ, «Пи Эм Эй» ХЭТ, ВТБ бөлөхтөрө, «УСК Мост» ААО, «Институт «Стройпроект» САО, Реконструкция уонна сайдыы Европейскайдааҕы Баанын бэрэстэбиитэллэрэ мунньахха кыттыахтара.