Өрүһү туоруур үгүс суолларга хаар ууллан, муус үрдүгэр уу тахсан, Устье – Сунтаар, Кириэстээх – Мирнэй, Үөһээ Бүлүү – Хоро, Ньурба – Күндээдэ, Томпо улууһугар Хаандыга – Мэҥэ-Алдан, итиэннэ Өлүөнэни туоруур Даркылаах – Аллараа Бэстээх федеральнай суолталаах хайысхаларынан массыыналар сырыы бобулунна. Регионнааҕы таһымнаах Амма – Уус-Маайа, Уус-Маайа – Элдьикээн, Хаҥалас – Суотту, ону таһынан Алдан, Амма, Нерюнгри, Өлүөхүмэ, Сунтаар, Томпо уонна Уус-Маайа улуустарыгар өрүһү туоруур муниципальнай суоллар сабылыннылар.

Оттон Хатас – Павловскай хайысханан айан-сырыы муус устар 20 күнүгэр диэри көҥүллэнэрин туһунан СӨ вице-премьерэ Виктор Омуков бырабыыталыстыба сүбэ мунньаҕар иһитиннэрдэ.

Кэлэр нэдиэлэттэн Даркылаахтан Аллараа Бэстээххэ диэри «Хивус» суудуналар сылдьыахтара. Билиҥҥитэ билиэт сыаната 1000 солкуобайынан быһылынна.