Англия биллэр-көстөр бизнесменэ, асчыт Джон Уоррен уонна НТВ устар бөлөҕө олунньу 9 күнүгэр Дьокуускайдааҕы алмааһы кырыылыыр собуокка ыалдьыттаатылар. Кинилэр бэлиэ сирдэргэ – Ирбэт тоҥ саарыстыбатыгар, "Чочур Мыраан" этнокомплекска, Атласовтар уһаайбаларыгар, «Өлүөнэ очуостара» национальнай пааркаҕа, о.д.а. сылдьыахтара.

СР Предпринимательствоҕа, туризмы сайыннарыыга министиэристибэ биэрии Саха сирин аатын-суолун үрдэтиигэ, туризмы сайыннарыыга көмөлөөх буолуоҕар эрэнэр.

Джон Уоррен 30 тахса сыл нуучча тылын үөрэтэр, 20 тахса сыл Россияҕа олорор. «Поедем, поедим!» телевизионнай биэриини кини Россия устун умсугутуулаах уонна минньигэс экспедиция быһыытынан сыаналыыр.