Ленскэй к. таһыгар уу таһыма 674 см, кутталлааҕа - 1410 (даамбаны ааҕыстахха 1760 см), муус аҕыйах.

Мурья б. таһыгар  – уу таһыма 700 см, ыксаллааҕа - 1300 см, өрүс ыраас.

Батамай таһыгар  уу таһыма 641 см.

Нүүйэҕэ (Өлүөнэ хаҥас салаата) ыраас, өрүс мууһа суох.

Тээнэҕэ  (Токко уҥа салаата) Тээнэ гидропост таһыгар - ыраас, уу таһыма 287 см, кутталлааҕа - 600 см. Муус Токкоҕо киирбит.

Чаараҕа (Өлүөхүмэ хаҥас салаата) Чаара гидропост таһыгар Чита уобалаһыгар уу хаһыыта баара бэлиэтэнэр. (СР кыраныыссатыгар диэри 390 км), Саха сиригэр Токко таһыгар уу таһыма 461 см, тыҥааһыннааҕа - 870 см.

Өлүөхүмэ өрүскэ — Орто Өлүөхүмэ гидропост Чита уобалаһыгар муус хамсаабыт. (СР кыраныыссатыгар диэри 320 км). Дьэкимдэҕэ уу таһыма 374 см, кутталлааҕа - 1480 см, Куду–Күөлгэ уу таһыма 333 см, кытталлааҕа - 1250 см.

Саха сиригэр муус алдьаныыта саҕаланна. Өрүстэргэ балаһыанньа хайдаҕый?

Алдаҥҥа Томмот таһыгар уу таһыма 268 см, тыҥааһыннааҕа - 820 см.

Аммаҕа Буяга гидропост таһыгар уу таһыма 340 см, критическэйэ - 600 см.

Бүлүүгэ  муус турар, тааҥнаабыт. Сунтаар с. таһыгар уу таһыма 532 см, кутталлааҕа - 1300 см, Ньурбаҕа уу таһыма 420 см, тыҥааһыннааҕа - 1250 см.

Халымаҕа, Янаҕа, Индигиркэҕэ – муус турар.

2014 сыл муус устар 28 күнүгэр Ми-8 вертолетунан Дьокуускай — Хатас — Өлүөхүмэ — Ленскэй хайысханан мууһу кэтээн көрдүлэр.

Өрүс уута содула суох ааһарын туһугар полковник А.Саранскай салайааччылаах бөлөх РФ ЫБМ Уһук Илин регионнааҕы кииниттэн Саха сиригэр бүгүн кэлэр.

Кылаабынай управление түөрт бөлөҕө Ленскэйгэ, Алдаҥҥа, Өлүөхүмэҕэ уонна Бүлүүгэ үлэлиир.

РФ ЫБМ Саха сиригэр үлэлиир управлениета Ленскэй, Өлүөхүмэ улуус кииннэрин уонна нэһилиэктэрин, Өлүөнэ өрүс кыйа баар улуустар олохтоохторугар халаан уута чугаһаабытын туһунан иһитиннэрэр. Сыаналаах малы-салы дьиэ кырыыһаларыгар, сүөһүнү-аһы уу ылбат үөһэ сирдэргэ эрдэттэн таһаарарга, докумуоннары, наадалаах малы-салы хомунаргытыгар, олохтоох былаас иһитиннэриилэрин кэтииргитигэр этэллэр.