«Киин улуустарга — Тааттаҕа, Аммаҕа, Чурапчыга - улахан тымныылар түһүөхтэрэ. Онно ахсынньы 17-тэн саҕалаан 48-50 кыраадыска тиийэ тымныйыа. Оттон Дьокуускайга температура мантан икки-үс кыраадыһынан үрдүк буолуо», - диэтэ билгэһит Тускул.

Кини этэринэн, маннык тымныы аҕыйах күн туруо, онтон температура 43 кыраадыска диэри тахсыа. «Ол кэнниттэн Саҥа дьыл иннинэ эмиэ 48-50 кыраадыска тиийэ тымныйыа. Бу кэмҥэ Тымныы полюһугар Өймөкөөҥҥө 50 кыраадыс тымныы туруо», - диир Тускул.

Быйылгы кыһын биир уратытынан тохсунньуга арыый сылаас буолара күүтүллэр. Бу ыйга температур 30 кыраадыстан түһүө суоҕа. Ону тэҥэ Саха сирин соҕурууҥу уонна арҕааҥы арыый сымнаһыар климаттаах улуустарыгар биллэ тымныйыа. «Онно тохсунньуга 50 кыраадыска тиийэ тымныйыа», -диэн билгэһит сэрэтэр.

Олунньу саҥата эмиэ тымныы буолара күүтүллэр.