Культура миниистирэ Андрей Борисов этэринэн, кэлэр сыл устата Саха сиригэр салаа үлэһиттэрин идэлээх бырааһынньыктарыттан ураты төрүт олохтоох нууччалар, бааһынайдар уонна дьаамсыктар культураларыгар аналлаах тэрээһиннэр ыытыллыахтара.

«Ити барыта духуобунай сиэри-майгыны илдьэ сылдьааччылары, культура деятеллэрин уонна үлэһиттэрин чиэстээһин, кинилэр үлэлэрин билинии быһыытынан ыытыллыаҕа», - диэтэ миниистир.

Үлэ атын хайысхатынан республика культуратын уонна духуобунай сайдыытын Министерствотын үлэтин научнайдык өйдөөһүн буолуоҕа. Манна республика научнай түмсүүтүн бэрэстэбиитэллэрин кыттыһыннарар сүрүн сорук турар. 2014 сыл кулун тутарыгар ыытыллар Культурологическай форум үлэтин түмүгүнэн республикаҕа культура сайдыытын Концепцията буолуоҕа. Саха сиригэр Тыа сирин тирэхтээх сайдыытын биэс сыллаах былаанан чэрчитинэн, культура тэрилтэлэрэ муниципальнай тэриллиилэри кытта үлэлэрэ салҕанан барыаҕа. "Республика бары өттүн хабыахха наада – илин эҥэри, киини, хотугу, халыма-индигир, бүлүү, промышленнай оройуоннары", - диэн бэлиэтээтэ Борисов, культура тыа сиригэр уруккуттан билиҥҥэ диэри ситимниир төрүөтүнэн буолар.

Культура Сылын саҕаланыыта «Музыка барыбытыгар», Олоҥхо Театра уонна Президент культураҕа уонна искусствоҕа кииннэрин ситимнэрэ, киинэни оҥоруу уонна көрдөрүү, «Желанный берег» аан дойдутааҕы театральнай фестиваль, Евразия норуоттарын календарнай бырааһынньыктарын Фестивала, евразийскай айар көҕүлээһиннэри өйүүр Саха Республикатын Президенин целевой граннара - бырайыактары салгыы сайыннарыы ыытыллыа.