2014 сыл алтынньы 18 күнүгэр Саха сирин бырабыыталыстыбата Саха Өрөспүүбүлүкэтин 2015-2019 сылларга социальнай-экономическай сайдыытын сабаҕалыыр былааны дьүүллэспитэ уонна бигэргэппитэ. Сабаҕалыыр былаан икки барыйаанын бэлэмнээбиттэрэ, ол курдук тирэх барыйааҥҥа дойду экономикатыгар киирбит бобуу аахсыллыбыта. Ити барыйаан балачча уруккулуу. Оттон иккис барыйаан - инникигэ эрэллээх. Онно макроэкономикаҕа үчүгэй көрдөрүүлэр учуоттаналлар.

Тирэх барыйааҥҥа ылыллыбыт инвестиционнай бырайыактар, ону таһынан нуорма-быраап докумуонунан бигэргэммит былааннар үбүлэниилэрэ киирбиттэр.

Саха сирин экономикатын балачча оптимистическай барыйааныгар государство уонна чааһынай инвестиция улаатыыта, ол иһигэр Өлүөнэ өрүһү туоруур муостаны тутуу аахсыллыбыта.

Тирэх барыйаан Өлүөнэ өрүһү туоруур муостаны тутар былааны уларыппат. Ити бырайыак олоххо киириитигэр үлэ тохтообот. Саха Өрөспүүбүлүкэтин бырабыыталыстыбата итини инники кирбиигэ тутарын туһунан экономика министиэристибэтин пресс-сулууспата иһитиннэрэр.