«Бары билэргит курдук, олунньуга Россия территориятыгар баар Арктика зонатын концепциятын государственнай программатын билиһиннэрии концепциятын бигэргэппиттэрэ. Саха сириттэн бу концепцияҕа биэс эрэ улуус киллэриллибитэ, ол эрээри республика правительствота Арктика 13 улуустарын барыларын киллэрэр туһунан туруорсар. Олунньу 26 күнүгэр хотугу территориялары  чопчулуур туһунан үлэ бөлөҕүн мунньаҕа буолуохтаах, онно  федеральнай программаҕа киирии туһунан быһаарыы ылыллыахтаах, ол иһигэр Саха сирин Арктикатын оройуоннарын киллэриигэ быһаарыныы ылыаҕа диэн эрэнэбит», - диэтэ миниистири солбуйааччы.

Ону таһынан Наталья Дягилева  президент Егор Борисов дьаһалынан республикаҕа Арктика сылыгар бэлэмнэнии  тэрийэр кэмитиэтэ олохтонно, ону Саха сирин правительствотын бэрэссэдээтэлэ Галина Данчикова салайар диэн эттэ. Тэрийэр кэмитиэт соторутааҕы былааннарыгар — тэрээһиннэр сүрүн торумнарын быһаарыы турар.

«Итини таһынан билигин Арктика улуустарын сайдыытын кэлим программата оҥоһулла сылдьар.  Үлэ ааспыт сылтан саҕаламмыта», - диэн эбэн эттэ Наталья Дягилева.