«Россия норуоттара» диэн площадкаҕа долганнар ураһалара туруорулунна. Анаабыр улууһун олохтоохторо норуот дьарыгын, олоҕун-дьаһаҕы билиһиннэрдилэр, сувенирдары көрдөрдүлэр.

 Усуйаана «Юкагир» родовой община бас билиитигэр баар мамонт Юканы быыстапкаҕа кэлбит дьон камераларга тохтоло суох уһуллулар, хаартыскаҕа үгүстүк түһэрдилэр. Култуура Арктикатааҕы институтун профессора Константин Мамонтов күн аайы муостан, аһыыттан оҥоһуктарга маастар — кылаастары ыытта.

«Куда ушли мамонты?» экспозицияҕа саамай улахан миэстэ бэрилиннэ. Сарсыарда 10.00 чаастан 20.00 диэри быыстапка үлэлээтэ. Бу быыстапканы «П.А.Лазарев аатынан мамонт музейын лабораториятын салайааччы Семен Григорьев,  «П.А.Лазарев аатынан мамонт музейын экспозиционнай отделын сэбэидиссэйэ Сергей Федоров, бу лаборатория үлэһитэ Максим Чепрасов,ХИФУ естественнай наукаларын институтун георграфическай отделениетын иккис кууруһун студена Константин Протодьяконов быыстапка үлэтин үрдүк таһымнаахтык тэрийдилэр.

 «Библиотеки» секторга Саха сирэ 65 кинигэни туруорда. Мантан 57 кинигэни Нуучча географическай уопсастыбатын научнай библиотекатыгар бэлэх биэриэхтэрэ.