Быыстапка бастакы күнүгэр Саха сирин экспозициятын РФ бырабыыталыстыбатын бэрэссэдээтэлин солбуйааччы  Д. Рогозин кэлэн көрдө уонна үрдүктүк сыаналаата.

Инвестиционнай сайдыы республикатааҕы агентствотын генеральнай дириэктэрэ А. Загоренко эппитинэн, Россия регионнарын уонна бөдөҥ тэрилтэлэрин туһунан экспозициялара манна биир ураты улахан миэстэни ылаллар.

ЭКСПО чэрчитинэн ураты экономическай түөлбэ, инвестиция, туризм, тыа хаһаайыстыбата, Россия уонна Кытай тэрилтэлэрин икки ардыларыгар хардарыта үлэлээһин, о.д.а. сыһыары тутуллубут дьыалабыай уонна культурнай тэрээһиннэр ыытыллыахтара. Саха сирин инвестиционнай кыаҕын көрдөрөр экспозиция от ыйын 1 күнүгэр сүрэхтэниэҕэ.