Улуус баһылыга Сергей Винокуров тыл этэригэр Степан Аржаков Саха Өрөспүүбүлүкэтин государственноһын олохтооһуҥҥа сүдү кылааттааҕын олус итэҕэтиилээхтик кэпсээтэ.

Степан Аржаков төрөөбүт сирин-дойдутун аатыттан Бүлүү улууһун Чинэкэ нэһилиэгин баһылыга Артур Протопопов кылгастык нэһилиэк билиҥҥи олоҕуттан уонна Аржаковка сыһыаннаах тэрээһиннэр хайдах ыытыллыбыттарын туһунан кэпсээтэ.
Степан Аржаков аймахтарын ааттарыттан сиэнэ Сергей Аржаков бу тэрээһини ыытыыга көмөлөспүт дьоҥҥо махтанарын туһунан эттэ. Көрсүһүүгэ Бүлүү улууһуттан баһылык Сергей Винокуров салайааччылаах анал делегация уонна Степан Аржаков төрөппүт кыыһа 87 саастаах Аида Степановна, сиэннэрэ Сергей Галилеевич, Роман Сергеевич, хос сиэнэ Михаил Сергеевич кытыннылар.
Көрсүһүүнү Саха Өрөспүүбүлүкэтин Бастайааннай бэрэстэбиитэлин солбуйааччы Лия Яковлева иилээн-саҕалаан ыытта.