Горнай улууһун уонна Саха сирин мас тардыһыытын Федерациятын көмөтүнэн 270 тыһыынча солкуобайдаах бириис фондата туруорулунна. Сүрүн бириистэринэн булт саатыгар тоҕус сертификат, оттон 74 кг диэри уонна онтон үрдүк ыйааһыннарга муҥутуур кыайыылаахтар 30 тыһыынчалаах Чехия сааларын туттулар.

Утарсыылартан саамай чаҕылхайдарынан биллиилээх Анатолий Баишев уонна Гаврил Никифоров тардыһыыларын ааттыахха сөп.

Мэтээл иһин киирсии улаханын Манчаары Оонньууларын 9 кыайыылаахтарын уонна 10 призердарын кыттыылара этэр. Чурапчы оонньууларыгар күүстээх мадьыналарынан ааттаммыт Анатолий Гладков, Афанасий Платонов уонна Сергей Черкашин бу сырыыга мөлтөх кыттыылара да итини кэпсиир.

Туспа тылларынан Дмитрий Никаноров кэргэнин Ольга Романовна туһунан истиҥ таллары этиэххэ сөп, кини уон сыл тухары бу турнир көҕүлээччитинэн буолар, ону таһынан кинини Дмитрий бииргэ үөрэммиттэрэ өйүүллэр.

Күрэхтэһии түмүгүнэн турнир чемпионнарынан буоллулар: 56 кг - Павел Кычкин (Мэҥэ-Хаҥалас улууһа), 62 кг - Александр Соловьев (ХИФУ), 68 кг - Николай Татаринов (Мэҥэ-Хаҥалас), 74 кг - Владислав Гуляев («Модун»), 82 кг - Павел Черноградскай («Модун»), 90 кг - Алексей Козлов (МВД-«Модун»), 90 кг үөһэ ыйааһыҥҥа - Анатолий Баишев (Амма).

Ветераннарга: 65 кг - Петр Ноговицын (Горнай), 75 кг - Василий Слепцов (Амма), 75 кг үөһэ - Иван Горохов (Горнай) буоллулар.

Дьахталларга: 62 кг - Ирина Севрюк (ХИФУ), 68 кг - Евгения Бубякина (ХИФУ), 74 кг - Акулина Уарова (Сунтаар), 82 кг - Варвара Мякишева (Амма), 82 кг үөһэ - Айталина Колодезникова (Горнай) таҕыстылар.