Билигин Дьокуускайга нэһилиэнньэ ахсаана сыл аайы эбиллэн иһэриттэн дьон социальнай бырайыактарга уонна олох хаачыстабытн үрдэтиигэ ирдэбиллэрэ үрдээн иһэр. Михаил Ефимовичка кэлбит дьон ити эйгэҕэ этиилэрин киллэрдилэр.

5 №-дээх оскуола учууталлара Прасковья Петрова, Матрена Булдакова уонна Семен Яковлев үөрэнэр тэрилтэттэн чугас «Оҕо технопаркатын» тутууну туруорустулар. Билигин оскуола кыараҕас, предметник-учууталлар саҥа техническэй тэриллэри туттар кыахтара суох. Оҕолор сменаҕа 700-түү киһи буолан үөрэнэллэр, үгүстэр техническэй куруһуоктарга сылдьыахтарын баҕараллар.

Дьокуускай баһылыгын солбуйааччы Евдокия Евсикова эппитинэн, куорат территорията толору, кииҥҥэ оҕо тэрилтэтин тутарга миэстэ тиийбэт.

Итиннэ утары этиини «Якутия» Технопарка директорын бастакы солбуйааччыта Петр Габышев эттэ, кини 2014 сыллаахха Автодорожнай уулуссаҕа тутуу саҕаланыахтаах, ол бастакы этээһин Оҕо технопарката оҥоруохтаахтар, ол эрээри ити өр кэмнээх, элбэх харчыны ирдиир диэтэ. Үбүлээһин боппуруостара культура икки эбийиэктэригэр эмиэ сүрүн суолталаахтар. Бу А.С. Пушкин аатынан Нуучча драматическай театрын мастарыскыайдарын ситэтэ суох орто оскуола базатыгар театр оскуола-студиятын уларытан тутуу уонна СР Национальнай библиотекатын саҥа дьиэтин тутуу буолаллар. Өскөтүн бастакы эбийиэк кэлэр сылга культура Сылын тэрээһиннэрин олоххт киллэрии федеральнай программатыгар киирсэр буоллаҕына, библиотека төттөрүтүн итинтэн тахсан хаалар. «Файв Троникс» САО эдэр дьоно эмиэ дьиэни биэрии туһунан көрдөстүлэр.

Михаил Николаев ити этиллибит боппуруостар кадрдары бэлэмнээһиҥҥэ сыһыаннаахтарыгар болҕомто уурарга эттэ: «Туох да мээнэ кэлбэт. Бүгүн оройуоннарга элбэх инновационнай кластердар уонна собуоттар кураанах тураллар, түргэнник сабыллан хаалаллар эбэтэр итилэргэ сыһыана суох специалистар үлэлииллэр. Ити кыһалҕалары быһаарыахха наада».