Бэлиэтээн эттэххэ, тэрээһиҥҥэ үгүс өттүлэрэ тас дойду журналистара буоллулар, кинилэр Саха сирин саҥаны айааччыларын уоту харыстааһыҥҥа үлэлэрин уонна оҥорон таһаарыы технологичнай өрүтүн сэҥээрдилэр. Билиһиннэрии кэнниттэн Сколково технопаарка устун кыра экскурсия буолла. Санатан эттэххэ, 2013 сыл сайыныттан Сколковоҕа «Якутия» технопаарка кабинета үлэлиир, онно Москваҕа офистаныан баҕалаах резиденнэр буор-босхо олоруохтарын сөп.

Билиһиннэрии Саха сирин инновационнай тэрилтэлэрэ атын регионнары кытта сибээһи олохтооһуннарын холобура буолла. «Якутия» технопаарка бу алтыһыыга дьыалабыай сэһэргэһиигэ уонна атын тас хампаанньаларга аһаҕас коммуникационнай площадка быһыытынан киирдэ.